Wedi derbyn y deipysgrif, dylai’r cyhoeddwr ofyn i’r awdur am wybodaeth a fydd yn ei gynorthwyo i werthu’r teitl. Y mae holiadur cyffredinol yn debygol o gynnwys yr elfennau isod, gydag amrywiadau yn ôl natur y gwaith. (Er enghraifft, yn achos llyfrau ysgolheigaidd, bydd angen cynnwys crynodebau mwy manwl a rhoi mwy o sylw i yrfa’r awdur a theitlau eraill sy’n cystadlu â’r teitl dan sylw, ac yn y blaen.)

______________________________________________________________________

Gwybodaeth Ragarweiniol

• enw’r awdur fel y bydd yn ymddangos ar y llyfr
• teitl ac is-deitl y llyfr

Manylion am yr Awdur

• enw llawn
• cyfeiriad(au) a manylion cyswllt llawn
• cenedligrwydd
• dyddiad geni
• swydd
• ym mha wlad y mae ei gartref parhaol
• rhif cofrestru Treth ar Werth (os yn berthnasol)
• Rhif Yswiriant Cenedlaethol
• Swyddfa Dreth yr awdur
• nodyn bywgraffyddol
• cyhoeddiadau blaenorol

Manylion am y llyfr

• crynodeb byr o’r llyfr (dwy neu dair brawddeg)
• disgrifiad llawnach o’r llyfr (hyd at 300 gair), ynghyd â thabl cynnwys, os yn briodol
• prif nodweddion gwerthu: sut y mae’r llyfr yn amserol, yn ddadleuol, yn wreiddiol, etc. Pam mae ei angen? Beth yw ei brif apêl?
• pa rannau o’r llyfr a allai fod yn addas ar gyfer eu dyfynnu, eu cyfresoli, etc.

Y farchnad

• darllenwyr arfaethedig y llyfr. Yn achos llyfr academaidd, bydd angen nodi’n fanwl at ba grwp neu lefel yr anelir y teitl
• cwmpas daearyddol y brif farchnad (rhanbarthol, Cymru gyfan, y Deyrnas Unedig, etc.)
• marchnadoedd anacademaidd tebygol
• y nodweddion sy’n gwneud y llyfr yn wahanol i deitlau eraill yn yr un maes. Ar gyfer llyfrau ysgolheigaidd, ac amryw gategorïau eraill (llawlyfrau, llyfrau sut-i'w-wneud, gwyddoniaeth a hanes poblogaidd, etc.) dylid rhestru’r teitlau pwysicaf sy’n cystadlu â’r llyfr dan sylw, gan dynnu sylw at y prif wahaniaethau.
  

Hyrwyddo

• rhestr o sefydliadau y gall fod gan eu haelodau ddiddordeb yn y llyfr, a gwybodaeth, lle bo modd, ynglŷn â’r hawl i ddefnyddio eu rhestrau aelodaeth
• papurau newydd, cylchgronau, cylchlythyrau sefydliadau, etc. a allai fod yn barod i ddosbarthu taflenni neu i adolygu’r llyfr
• cysylltiadau’r awdur yn y wasg a’r cyfryngau
• unigolion amlwg a fyddai’n barod i ddarparu cymeradwyaeth-o-flaen-llaw o gael copi proflen o’r llyfr
• cadarnhad a yw’r awdur yn barod i ymateb yn uniongyrchol i ymholiadau gan y wasg a’r cyfryngau ac i ymgymryd â gweithgareddau hyrwyddo (lansiadau, sesiynau arwyddo, teithiau darllen, etc.)
• unrhyw ffeithiau am yr awdur neu’r llyfr a allai ddenu sylw’r cyfryngau.
  

______________________________________________________________________

Ceir cyngor ynghylch sut i lunio Holiadur Awdur, ynghyd â sampl, yn Alison Baverstock, How to Market Books, pedwerydd argraffiad (Kogan Page, 2008).

Cyhoeddwyd nifer o holiaduron ar y rhyngrwyd. Mae’r rhain yn amrywio yn ôl natur y llyfr a hyrwyddir. Dyma ychydig o enghreifftiau:

https://authornet.cambridge.org/information/questionnaire/
http://mitpress.mit.edu/authors#AQs

Dyddiad diweddaru diwethaf: 20 Awst 2010